Kiraŭnik Śbierbanka Rasii Hierman Href nie čakaje ŭ nastupnym hodzie «čornych lebiedziaŭ» - niečakanych i praktyčna niepradkazalnych padziej, jakija mohuć całkam źmianić situacyju ŭ toj ci inšaj śfiery.
vedomosti.ru
«Nafta ciapier kaštuje 52—53 dalary, i, kali patańnieje da 45, šoku nie zdarycca. Biudžet Rasii da hetaha padrychtavany (u im zakładzieny košt 40 dalaraŭ), i kampanii, i banki», - zajaviŭ Href u intervju haziecie «Viedomosti».
Pa słovach kiraŭnika Śbierbanka, dla rasijskaj ekanomiki dźviuma asnoŭnymi źniešnimi ryzykami źjaŭlajucca ceny na syravinu i hieapalityka. Pry hetym Href adznačaje, što rasijskaja ekanomika ŭžo adaptavałasia da nizkich cenaŭ na naftu.
Akramia taho, Hierman Href miarkuje, što hieapalityčnaja situacyja stabilizujecca — šmat u čym heta źviazana z vybrańniem prezidentam ZŠA Donalda Trampa. Href udakładniaje, što «pakul nichto nie viedaje Trampa-prezidenta», ale jon znajomy z Trampam jak ź biznesmenam.
«Ja sustrakaŭsia z Trampam, i ŭražańni vielmi pazityŭnyja, viedaju niekatorych členaŭ jaho kamandy», — rastłumačyŭ Href. Pavodle jaho słoŭ, u kamandu Donalda Trampa ŭvachodziać «prahmatyčnyja ludzi, jakija zdoleli pieramahčy ŭ žorstkaj kankurentnaj baraćbie».
