sk.gov.by
Prysud abvieščany 28 śniežnia na vyjaznym pasiadžeńni Homielskaha abłasnoha suda ŭ Mazyry. Sudovyja słuchańni prachodzili ŭ zakrytym režymie.
Zabojstva 9-hadovaj Kiry i 17-hadovaha Ułada adbyłosia 31 studzienia 2015 hoda. Pa padazreńni ŭ zabojstvie byŭ zatrymany ich baćka, jaki sam paviedamiŭ u milicyju pra złačynstva.
Paśla zabojstva Kirył Kazačak pryjechaŭ na zdymnuju kvateru žonki, dzie jana pražyvała sa starejšym synam i sužycielem, i raskazaŭ joj ab zroblenym. Patelefanavaŭ u milicyju i skinuŭsia z bałkona čaćviortaha paviercha, ale zastaŭsia žyvy. Doŭhi čas abvinavačvany pravioŭ u špitali — u jaho byli paškodžańni chrybietnika i noh. Kancentracyja śpirtu ŭ kryvi ŭ mužčyny ŭ toj viečar skłała 2,36 pramile.
Pavodle dadzienych ekśpiertyzy, u momant złačynstva jon moh u poŭnaj miery ŭśviedamlać značeńnie svaich dziejańniaŭ i kiravać imi.
Pa dadzienych śledstva, žychar Mazyra ździejśniŭ złačynstva z pačućcia pomsty svajoj žoncy, vyklikanym jaje namieram skasavać ź im paŭtorny šlub (raniej jany ŭžo razvodzilisia, a zatym paŭtorna zaklučali šlub) i pražyvać asobna. U kastryčniku 2015 hoda žančyna padała dakumienty na razvod. Na momant ździajśnieńnia złačynstva jany znachodzilisia ŭ šlubarazvodnym pracesie.
* * *
Čytajcie taksama:
«Biŭ dziaciej, kali prajhravaŭ u tančyki» — u Mazyry sudziać baćku, jaki zabiŭ niepaŭnaletnich syna i dačku
