Taryf na transparciroŭku nafty z Rasii dla biełaruskaj «Homieltransnafta Družba» budzie pavyšany na 7,7% u 2017 hodzie zamiest raniej zapytanych 20,5% i prapanavanych «Tranśniefćju» 5,8%. Pra heta paviedamiŭ TASS načalnik upraŭleńnia paliŭna-enierhietyčnaha kompleksu FAS Dźmitryj Machonin.
«My paličyli nieabhruntavanym ich pavyšeńnie na 20,5%, takim čynam, u adpaviednaści ź mietodykaj taryf budzie pavyšany na inflacyju plus 3%, h.zn 7,7%», - skazaŭ jon.
Raniej «Połacktransnafta Družba» pahadziłasia z prapanovaj «Tranśniefci» pavialičyć taryf na transparciroŭku nafty z Rasii na 11,76% u 2017 hodzie.
Nahadajem, Biełaruś prapanoŭvała pavysić taryfy na tranzit rasijskaj nafty pa svajoj terytoryi na 20,5% na fonie naftahazavaha kanfliktu pamiž krainami. «Tranśniefć» paličyła ekanamična abhruntavanym rost taryfaŭ pa dźviuch vietkach najbujniejšaha mahistralnaha naftapravoda «Družba», jaki prachodzić pa terytoryi Biełarusi, praz Homiel — na 5,8%, praz Połack — na 11,76%.
