Pry ŭradzie Čechii budzie stvorana ŭpraŭleńnie pa baraćbie z fejkavymi navinami. Jak piša The Guardian, ułady krainy aścierahajucca, što raspaŭsiudžvańnie niedakładnaj infarmacyi ŭ internecie moža paŭpłyvać na vynik parłamienckich vybaraŭ, jakija projduć u kastryčniku 2017 hoda.
U češskim uradzie zajaŭlajuć, što ŭ krainie dziejničajuć dziasiatki sajtaŭ, što raspaŭsiudžvajuć fejkavyja naviny i kanśpirałahičnyja teoryi. Pa zdahadcy uładaŭ, hetyja sajty źviazanyja z Kramlom, choć surazmoŭcy The Guardian pryznajuć, što dakazać hetuju suviaź niaprosta.
Upraŭleńnie pa baraćbie z fejkavymi navinami stanie častkaj adkrytaha niadaŭna Centra pa baraćbie z teraryzmam i hibrydnymi pahrozami. Jano pačnie pracu 1 studzienia, jaho štat składzie 20 čałaviek.
