«Rašeńnie naftahazavych pytańniaŭ z Rasijaj, vidavočna, pieranosicca na nastupny hod», — cytuje Lašenku dziaržaŭnaje ahienctva BiełTA. Baki praciahvajuć pieramovy, i Biełaruś raźličvaje na bolš chutkaje vyrašeńnie ŭsich najaŭnych pytańniaŭ, dadaŭ kiraŭnik «Biełnaftachima».
Minsk i Maskva dahetul nie ŭrehulavali pytańni koštu rasijskaha hazu i zahruzki syravinaj biełaruskich naftapierapracoŭčych zavodaŭ. Z 2016 hoda Rasija zhodna z damoŭlenaściami pavinna była pastaŭlać u Biełaruś štohod 24 młn ton nafty až da 2024 hoda. Adnak z druhoha paŭhodździa pastaŭki byli skaročanyja spačatku da 3,5 młn ton za kvartał, a z kastryčnika — užo da 3 młn ton. Heta stała adkazam na zapazyčanaść pa pastaŭkach rasijskaha hazu ŭ 281 młn dołaraŭ, piša BiełaPAN.
20 śniežnia na pres-kanfierencyi ŭ Minsku pasoł Rasii ŭ Biełarusi Alaksandr Surykaŭ zajaviŭ, što dakumient ab vyrašeńni naftahazavaj sprečki pamiž Biełaruśsiu i Rasijaj budzie padpisany najbližejšymi dniami. Jon miarkuje adnaŭleńnie pastavak nafty ŭ raniejšych abjomach, a taksama apłatu enierhanośbitaŭ u ramkach dziejnych kantraktaŭ, skazaŭ Surykaŭ.
Uźniknieńnie sprečki Surykaŭ patłumačyŭ tym, što kantrakt «uvajšoŭ u niekatoruju dysharmoniju ź mižuradavym pahadnieńniem u miežach JEAES, dzie havorycca ab roŭnadachodnych cenach na enierhanośbity». «Treba hetuju nieadpaviednaść vydalić, voś jaje zaraz i vydalajuć», — padkreśliŭ rasijski pasoł. Novy dvuchbakovy kantrakt na pastaŭku enierhanośbitaŭ z Rasii ŭ Biełaruś na najbližejšyja hady, pavodle słoŭ pasła RF, budzie adpaviadać pahadnieńniam u miežach JEAES.
