Alaksandr Łukašenka 28 śniežnia padpisaŭ ukaz №497, jaki praduhledžvaje budaŭnictva šmatfunkcyjanalnaha kompleksu «BK Kapitał Centr» na Kastryčnickaj płoščy ŭ Minsku. Prajekt pavinien być realizavany ŭ 2017—2020 hadach.
Handlovy kompleks źjavicca na miescy źniesienieha muzieja historyi Vialikaj Ajčynnaj vajny.
U skład «BK Kapitał Centr» musiać uvajści «administracyjnyja i handlovyja pamiaškańni, biźnies-apartamienty, pamiaškańni dla raźmiaščeńnia pradpryjemstvaŭ hramadskaha charčavańnia, padziemny parkinh».
Realizacyja hetaha prajekta «dazvolić zaviaršyć zabudovu architekturnaha ansambla adnoj z centralnych płoščaŭ biełaruskaj stalicy».
Pavodle infarmacyi tut.by, «BK Kapitał Centr» — prajekt sierbskich biznesmienaŭ bratoŭ Karyčaŭ. Jany taksama budujuć «Minsk-Mir».
Handlovy centr paŭstanie na miescy źniesienaha muzieja historyi Vialikaj Ajčynnaj vajny. Budynak źjaŭlaŭsia historyka-kulturnaj kaštoŭnaściu respublikanskaha značeńnia, adnak byŭ likvidavany dla budaŭnictva chmaračosa «Kiempinski». Praŭda, hmach na Kastryčnijckaj płoščy tak i nie paŭstaŭ.
* * *
Čytajcie taksama:
Piać faktaŭ pra miljardera Bahaluba Karyča, ź jakim sustrakaŭsia Łukašenka
