«Pamiatajučy pra heta, my zastajemsia ćviorda ŭpeŭnienymi ŭ tym, što praz padtrymku ščyrych, dobrazyčlivych i raŭnapraŭnych dačynieńniaŭ Biełaruś i Złučanyja Štaty zmohuć vyvieści dvuchbakovyja adnosiny na hładki haściniec ustojlivaha raźvićcia», — ličać u źniešniepalityčnym viedamstvie.
MZS nahadvaje, što 28 śniežnia 1991 hoda ŭ vyniku abmienu notami biełaruski i amierykanski baki damovilisia ab ustalavańni dypłamatyčnych adnosin na ŭzroŭni pasolstvaŭ. U 1992 hodzie ŭ Minsku i Vašynhtonie pačali pracavać pasolstvy dźviuch krain.
Złučanyja Štaty stali druhoj krainaj u śviecie, jakaja, pryznaŭšy suvierenitet Respubliki Biełaruś, «prapanavała maładoj biełaruskaj dziaržavie naładzić poŭnyja dypłamatyčnyja adnosiny i abmianiacca pasłami».
«Za čverć stahodździa dačynieńni pamiž Biełaruśsiu i ZŠA prajšli niaprosty šlach staleńnia i raźvićcia. Ich historyja adznačanaja ŭźlotami i padzieńniami, supracoŭnictvam i razładami, uzajemnymi spadziavańniami i rasčaravańniami. Pamiž našymi krainami dahetul zachoŭvajucca niavyrašanyja pytańni, šerah ź jakich maje dla bakoŭ pryncypovy charaktar», — adznačaje MZS.
«Miž tym simvalična, — havorycca ŭ zajavie, — što jubilej ustalavańnia biełaruska-amierykanskich dypłamatyčnych adnosin prypadaje na pieryjad pastupovaj narmalizacyi dvuchbakovych dačynieńniaŭ, adnaŭleńnia davieru i viartańnia bakoŭ da dyjałohu pa šyrokamu śpiektru pytańniaŭ — ad ekanomiki i inviestycyj da vajennaj śfiery, kultury i zachavańnia spadčyny, ad raźvićcia demakratyčnych instytutaŭ da ŭmacavańnia navukova-techničnaha ŭzajemadziejańnia».
«Navat u samyja składanyja časy našy krainy supracoŭničali ŭ pytańniach, jakija majuć vyznačalnaje značeńnie dla biaśpieki i dabrabytu mižnarodnaj supolnaści. U 1991 hodzie amierykanski bok u svajoj prapanovie biełaruskamu boku ab ustalavańni dypłamatyčnych adnosin adznačaŭ rolu našaj krainy ŭ pracesie razzbrajeńnia i nieraspaŭsiudžvańnia jadziernaj zbroi i zaraz paśladoŭna padtrymlivaje niezaležnaść Biełarusi. Siońnia, jak i 25 hadoŭ tamu, Biełaruś praciahvaje vystupać donaram mižnarodnaj biaśpieki, bieručy aktyŭny ŭdzieł u mirnym urehulavańni šmatbakovych kanfliktaŭ, jakija, na žal, nie abminuli i našu častku śvietu», — padkreślivaje źniešniepalityčnaje viedamstva.
MZS vykazvaje «ščyraje spadziavańnie» na toje, što raspačaty praces pastupovaha palapšeńnia dačynieńniaŭ pamiž Biełaruśsiu i Złučanymi Štatami «budzie nie tolki sadziejničać raźvićciu supracoŭnictva pamiž našymi krainami i vyrašeńniu składanych pytańniaŭ dvuchbakovych dačynieńniaŭ, ale i stanie faktaram narmalizacyi mižnarodnaj situacyi i ŭmacavańnia rehijanalnaj biaśpieki va Uschodniaj Jeŭropie».
Paśla čarhovaha skandału ŭ 2008 hodzie, kali Biełaruś pakinuła pasoł Karyn Ściuart (paśla ŭviadzieńnia Złučanymi Štatami sankcyj u adnosinach kancerna «Biełnaftachim» u suviazi z parušeńniem pravoŭ čałavieka ŭ Biełarusi), ZŠA pradstaŭlenyja ŭ Minsku na ŭzroŭni časovaha pavieranaha. Štat pasolstva byŭ skaročany z 35 da piaci čałaviek, ciapier jon pavialičany da dzieviaci čałaviek. Biełaruś taksama pradstaŭlenaja ŭ ZŠA na ŭzroŭni časovaha pavieranaha.
