4 sakavika 2017 hoda śpiavak Źmicier Vajciuškievič, paet Uładzimir Niaklajeŭ i WZ-Orkiestra daduć vialiki supolny kancert u Vilni z prahramaj «Našy kachanyja». Biełarusy majuć mahčymaść atrymać biaspłatnyja vizy, dziakujučy padtrymcy MZS Litvy.
Kancert prymierkavany da 10-hodździa supracoŭnictva Vajciuškieviča i Niaklajeva, jakoje pačałosia z alboma «Tanha z ružaj», vydadzienaha naprykancy 2006 hoda, dało šmat vydatnych piesień, vydadzienych na roznych inšych albomach Vajciuškieviča i praciahvajecca dahetul. U prahramie lepšyja kampazicyi za 10 hod i vieršy Uładzimira Niaklajeva ŭ vykanańni aŭtara.
— Ja vielmi ščaślivy, što naš prajekt pieraros u siabroŭstva i stały tvorčy tandem kampazitara i paeta, što zaraz byvaje vielmi redka. Upieršyniu my robim supolnuju muzyčna-paetyčnuju prahramu, dzie budzie i lepšaje, i novaje, i niečakanaje, — raspaviadaje Źmicier Vajciuškievič. — My z Uładzimiram Prakopavičam budziem razam stvarać śviatočny nastroj z nahody našaha jubileju i nadychodziačaha viasnovaha žanočaha śviata, jakoje nam abodvum vielmi padabajecca. A jašče akurat na tyja vychodnyja prypadaje litoŭskaje śviata Kaziukas. Tamu budzie šmat fluidaŭ ščaścia: i na kancercie, i pa-za jaho miežami.
Źmicier Vajciuškievič «Na kalady» (słovy Uładzimira Niaklajeva).
Biaspłatnaja viza (biez konsulskaha zboru) z terminam dziejańnia z 3 da 5 sakavika ŭklučna vydajecca hramadzianam Biełarusi na padstavie nabytych u Biełarusi kvitkoŭ na mierapryjemstva. Padać dakumienty na biaspłatnuju vizu treba ad 15 studzienia da 15 lutaha ŭklučna. Paradak razhladu vizavych chadatajnictvaŭ sproščany, tamu daviedki ź miesca pracy/navučańnia, paćvierdžańni płatazdolnaści nie patrabujucca. Pakrokavaja instrukcyja tut.
Kvitki: ad 31,5 da 47,5 rubloŭ.
Prodaž biez kamisii: «Teatralna-kancertnaja kasa» (Minsk, vuł. Kalinina 5), z paniadziełka pa piatnicu z 10.00 da 19.00.
Ahulny prodaž: na sajcie i ŭ kasach Kvitki.by, a taksama ŭ sałonach «Śviaznoj» i «Jevrosieť» pa ŭsioj Biełarusi.
Placoŭka: Dom polskaj kultury — Vilnia, vuł. Naŭharduko, 76.
Pačatak mierapryjemstva: uvachod z 18.00, pačatak z 19.00 (čas litoŭski).
Infalinija ŭ Biełarusi: +375 29 628 4114
