Pasłuha pavinna budzie kampiensavać mahčymaści sajta komplat.by, jaki niadaŭna spyniŭ pracu. Dahetul nie było viadoma, ci budzie stvorana jamu zamiena.
Partał komplat.by, z dapamohaj jakoha žychary Minska i Minskaha rajona daviedvalisia pra naličeńni za žyllova-kamunalnyja pasłuhi i padavali pakazańni pryboraŭ uliku, praź pierachod na AIS «Raźlik-ŽKP» pierastaŭ funkcyjanavać. Sajt spyniŭ rabotu jašče ŭ pačatku listapada, adnak raniej paviedamlałasia, što niedastupny jon budzie tolki časova. Niekalki dzion tamu źjaviłasia infarmacyja pra jaho zakryćcio.
U adkaz minčanie stvaryli pietycyju pra adnaŭleńnie raboty resursu, u jakoj patłumačyli ŭsie plusy likvidavanaha servisu. Za niekalki dzion pad joj padpisałasia bolš za dźvie tysiačy čałaviek. Pakul paviedamlać dadzienyja ličylnikaŭ karystalnikam davodzicca z dapamohaj SMS abo pa telefonie, adnak užo ŭ nastupnym hodzie padać pakazańni ličylnikaŭ vady možna budzie praz ARIP.
«Takaja pasłuha ŭ pačatku 2017 hoda źjavicca ŭ sistemie ARIP, pryčym jana budzie dastupnaja dla ŭsich žycharoŭ Biełarusi. Dla hetaha nie treba budzie stvarać asobny sajt. Mahčymaści, jakija raniej davaŭ partał komplat.by, zachavajucca. Dadatkova ab novych padychodach u pracy paviedamim u studzieni», — adznačyŭ pijar-mieniedžar ARIP Aleh Čumakoŭ.
