Narviežskaja avijakampanija-łaŭkoster Norwegian abviaściła, što płanuje adkryć nastupnaj viasnoj transatłantyčnyja paloty ź Vialikabrytanii ŭ ZŠA, źbiŭšy isnujučyja rynkavyja košty na kvitki jak minimum na 50%, piša The Telegraph. Paviedamlajecca, što bilet u adzin bok budzie kaštavać pačynajučy ad $ 69 abo 65,89 jeŭra (biez bahažu).
Reuters.com
Kiraŭnik i zasnavalnik avijakampanii Bjorn Kos raspavioŭ, što Norwegian budzie vykonvać paloty z Edynburha ŭ Ńju-Jork na Boeing 737MAX. Novy samalot budzie pastaŭleny ŭ krasaviku, i praź niekatory čas na im buduć ažyćciaŭlacca kamiercyjnyja rejsy ŭ ZŠA. «Našy samaloty vielmi, vielmi ekanamičnyja ŭ płanie paliva … Boeing 737MAX abstalavany samym sučasnym ruchavikom, jakija dazvalajuć pieraadolvać bolš doŭhija dystancyi», — skazaŭ Kos.
Jak udakładniaje vydańnie, Norwegian budzie vykarystoŭvać u ZŠA nievialikija aeraporty pamiž haradami.
«Nam nie treba budzie płacić vialikija padatki, što źnizić sabiekošt biletaŭ», - tłumačyć Kos, nie nazyvajučy kankretnaha aeraporta pablizu Ńju-Jorka.
