Ajcišnik Alaksiej Kamok, jakomu niadaŭna Viarchoŭny sud na tracinu skaraciŭ termin, u noč na 30 śniežnia vyjšaŭ na volu. Pra heta TUT.BY paviedamili niekalki krynic. Navinu paćvierdziła jaho mama, Luboŭ Kamok.
«My źviartalisia va ŭsie instancyi: sudovyja orhany, hienieralnuju prakuraturu i navat da prezidenta, bo byli nie zhodnyja z prysudam. U vyniku ŭsich našych zvarotaŭ prysud byŭ źmienieny, a ŭ dalejšym, pavodle ŭkaza kiraŭnika krainy, moj syn byŭ pamiłavany. Na siońniašni dzień pretenzij z boku dziaržavy da majho syna niama. Ja chaču skazać vialiki čałaviečy dziakuj pierš za ŭsio prezidentu Respubliki Biełaruś i inšym słužbovym asobam, jakija nie zastalisia abyjakavyja da losu majho syna i abjektyŭna va ŭsim razabralisia, u vyniku čaho moj syn viarnuŭsia dadomu. Loša žyvy i zdarovy i my vielmi rady sustreć Novy Hod razam!», — skazała Luboŭ Alaksiejeŭna.
Sam Alaksiej ad kamientaroŭ admoviŭsia. Vinu svaju pa art. 233 č3 i art. 343 jon nie pryznaŭ.
Jak raniej paviedamlałasia, u kancy listapada Viarchoŭny sud u nahladnym paradku źmianiŭ prysud Kamku, źniziŭšy termin z 6 hadoŭ ŭzmocnienaha režymu da 4 hadoŭ ahulnaha.
