Fota moskva-putinu.ru
«Novyja niedružalubnyja kroki administracyi ZŠA, što sychodzić, rasceńvajem jak pravakacyjnyja, nakiravanyja na dalejšy padryŭ rasijska-amierykanskich adnosin. Heta vidavočna supiarečyć karennym intaresam jak rasijskaha, tak i amierykanskaha narodaŭ. Z ulikam asablivaj adkaznaści Rasii i ZŠA za zachavańnie hłabalnaj biaśpieki — nanosić škodu i ŭsiamu kompleksu mižnarodnych adnosin», — adznačajecca ŭ zajavie.
Pucin akcentuje, što rasijski bok maje ŭsie padstavy dla adekvatnaha adkazu, ale nie budzie «apuskacca da ŭzroŭniu «kuchonnaj», biezadkaznaj dypłamatyi» i dalejšyja kroki pa adnaŭleńni rasijska-amierykanskich adnosin budzie vybudoŭvać «zychodziačy z palityki, jakuju budzie pravodzić administracyja prezidenta Donalda Trampa».
«My nie budziem stvarać prablem dla amierykanskich dypłamataŭ. My nikoha nie budziem vysyłać. My nie budziem zabaraniać ich siemjam i dzieciam karystacca zvykłymi dla ich miescami adpačynku ŭ navahodnija śviaty. Bolš za toje, usich dziaciej amierykanskich dypłamataŭ, akredytavanych u Rasii, zaprašaju na navahodniuju i kaladnuju jołku ŭ Kreml», — dadaŭ Pucin.
Jon vykazaŭ škadavańnie, što administracyja prezidenta Abamy zakančvaje pracu padobnym čynam, ale pavinšavaŭ jaho, jaho siamju i ŭvieś amierykanski narod z nadychodziačym Novym hodam.
ZŠA ŭviali novyja sankcyi suprać Rasii i vysyłajuć 35 dypłamataŭ
MZS prapanavaŭ Pucinu vysłać z Rasii 35 amierykanskich dypłamataŭ
