U milicejskim pres-relizie raspaviadajecca, što pamočnik dziažurnaha ADS HAM-1 Maskoŭskaha RUUS Minska prybyŭ na vyklik da kvatery, na jakuju skardzilisia za hučny šum.
Milicyjant sprabavaŭ sucišyć maładoha čałavieka, jaki vyjšaŭ z šumnaj kvatery. «U adkaz mužčyna, jaki znachodziŭsia ŭ stanie mocnaha ałkaholnaha apjanieńnia, nanios udar supracoŭniku milicyi ŭ vobłaść hrudziej, zatym — sieryju ŭdaraŭ u hałavu. Akramia taho, napadnik pasprabavaŭ zavałodać tabielnaj zbrojaj milicyjanta», — havorycca ŭ paviedamleńni.
Adznačajecca, što milicyjant papiaredziŭ pra ŭžyvańnie zbroi, a potym zrabiŭ papieradžalny streł ubok. Paśla hetaha minčuk schapiŭ milicyjanta za ruku i znoŭ pasprabavaŭ zabrać pistalet. «Padčas baraćby było zroblena jašče dva streły, u vyniku jakich napadniku pryčynienyja skraznyja ranieńni ŭ vobłaści hrudziej i levaj stupni», — zajaŭlajuć u milicyi.
Milicyjanty abviarhajuć źviestki, što supracoŭnik milicyi pakinuŭ miesca zdareńnia. Pavodle ich słovaŭ, paśla strełaŭ milicyjant adrazu z padjezda «paviedamiŭ u dziažurnuju čaść ab fakcie prymianieńnia tabielnaj zbroi, ab nieabchodnaści špitalizacyi napadnika, a taksama zaprasiŭ dadatkovyja siły», jakija prybyli praź niekalki chvilinaŭ.
«Supracoŭnik milicyi charaktaryzujecca sa stanoŭčaha boku. Vytrymany, spakojny, uraŭnavažany, kanfliktnych situacyj imkniecca paźbiahać», — dadajuć u HUUS. Jon špitalizavany, jak i paranieny minčuk.
Śledčy kamitet pačaŭ kryminalnuju spravu za supraciŭ supracoŭniku orhanaŭ unutranych spraŭ abo inšaj asobie, jakija achoŭvajuć hramadski paradak.
U navahodni ranak milicyja vymušana była ŭcichamirvać rabotnika «Kieramina» zbrojaj
