U Minsku DAI zatrymała pjanaha kiroŭcu na mikraaŭtobusie Volkswagen. Mužčyna ŭžo zatrymlivaŭsia za kiravańnie ŭ stanie ałkaholnaha apjanieńnia. Ciapier jaho aŭtamabil kanfiskujuć. Pra heta AUTO.TUT.BY raspaviali ŭ DAI Maskoŭskaha rajona.
Fota: DAI Maskoŭskaha rajona
Incydent adbyŭsia dniom 1 studzienia ŭ dvary doma № 14 pa vulicy Hołubieva. Supracoŭniki DAI spynili Volkswagen Transporter, za rulom jakoha byŭ pjany mužčyna. Miedycynski ahlad 51-hadovaha kiroŭcy pakazaŭ 1,73 pramile ałkaholu.
Jak patłumačyŭ inśpiektaram kiroŭca, u Novy hod jon ŭžyvaŭ ałkahol. Dniom 1 studzienia jaho žonka pajšła ŭ kramu, a jon vyrašyŭ zrabić joj siurpryz — zajechać pa jaje na aŭtamabili. Adnak žančyna ŭ mašynu sadzicca admoviłasia, i mužčyna pajechaŭ dadomu. Tady jaho i zatrymali supracoŭniki DAI.
U dačynieńni da minčuka skłali čatyry administracyjnyja pratakoły. Pry praviercy akazałasia, što kiroŭca da hetaha šeść razoŭ traplaŭsia pjanym za rulom, apošni raz — mienš za hod tamu, tamu jon budzie pryciahnuty da kryminalnaj adkaznaści, a aŭtamabil kanfiskujuć.
