Minski zaapark prymaje navahodnija jołki na korm žyviołam, paviedamlajecca na sajcie zaaparka.
Jełki, ź jakich papiarednie nieabchodna źniać mišuru, prapanujuć pakidać la kantrolnaha punkta z paniadziełka pa piatnicu z 10.00 da 17.00.
«U chvajovych łapkach źmiaščajecca šmat karysnych rečyvaŭ, jany iduć na korm kapytnym. Nie suprać pakaštavać «kalučak» zubry, aleni, viarbludy. Takuju akcyju my pravodzim nie pieršy hod, mnohija haradžanie adhukajucca na našu prośbu. Dadatkovuju infarmacyju pra toje, kudy prynosić navahodnija drevy, možna atrymać pa telefonie (17) 340-51-78», — adznačyła načalnik aśvietnickaha adździeła zaaparka Volha Kałmakova.
Vykarystańnie jełak dla karmleńnia žyvioł — raspaŭsiudžanaja praktyka dla zaaparkaŭ. Jełki mohuć stać dla hadavancaŭ nie tolki krynicaj vitaminaŭ, ale i paciešnaj cackaj.
