U Viciebsku supracoŭniki DPS DAI zatrymali pjanaha kiroŭcu, jaki ŭčyniŭ DTZ. Videa zatrymańnia źjaviłasia ŭ sacyjalnaj sietcy Ukantakcie, piša Jeŭraradyjo.
U kamientary BiełTA časovy vykanaŭca abaviazkaŭ načalnika adździaleńnia ahitacyi i prapahandy DAI UUS Viciebskaha abłvykankama Alaksandr Kaziučyc raspavioŭ padrabiaznaści incydentu.
Zdareńnie adbyłosia 3 śniežnia ŭ 13.45 pa vulicy Zielenahurskaj. Aŭtamabil «Ford», za rulom jakoha byŭ 28-hadovy žychar Viciebska, urezaŭsia ŭ prypynak hramadskaha transpartu. Na ščaście, na samim prypynku padčas DTZ nikoha nie było.
Vidavočcy zdareńnia vyklikali narad DAI, a taksama spynili aŭtamabil chutkaj dapamohi, jaki prajazdžaŭ mima. Da inśpiektaraŭ DAI kiroŭca «Forda» vyjšaŭ hołym. «Ci byŭ jon u takim stanie za rulom, nam pakul nie viadoma. Jaho adzieńnie vyjaŭlenaje na vulicy. Mužčynu zatrymali i dastavili ŭ adździeł», — udakładniŭ Kaziučyc.
U milicyi pakul nie kažuć, ci ŭśviedamlaŭ svaje dziejańni zatrymany kiroŭca. Taksama nie paviedamlajecca, ci byŭ jon u stanie ałkaholnaha apjanieńnia abo pad uździejańniem psichatropaŭ.
Pa fakcie DTZ pravodzicca pravierka.
