U Vilejcy raspačali kryminalnuju spravu suprać sudovaha vykanaŭcy, paviedamili TUT.BY ŭ prakuratury Minskaj vobłaści.
Padazravanaja vyrašyła: lepš zakryć vykanaŭčuju vytvorčaść, čym sprabavać spahnać z daŭžnikoŭ 800 rubloŭ. Prakuratura raspačała kryminalnuju spravu pa č.2 art. 424 KK «Złoŭžyvańnie ŭładaj ci słužbovymi paŭnamoctvami». Žančynie pahražaje da šaści hadoŭ pazbaŭleńnia voli.
— Sudovy vykanaŭca, žadajučy stvaryć bačnaść dobra pastaŭlenaj pracy i ŭ paźbiahańnie vymovy z boku kiraŭnictva, pa arhanizacyi vykanaŭčych viadzieńniaŭ skłała aficyjnyja dakumienty, jakija źmiaščajuć zahadzia iłžyvyja źviestki pra adsutnaść majomaści ŭ daŭžnikoŭ. Paśla hetaha pryniała rašeńnia ab zakančeńni vykanaŭčych vytvorčaściaŭ i viartańni vykanaŭčych dakumientaŭ u sud, - paviedamiła Łarysa Parchimovič, staršy pamočnik prakurora Minskaj vobłaści.
Pa słovach Parchimovič, svaimi zaviedama niezakonnymi dziejańniami sudovy vykanaŭca naniesła istotnuju škodu pravam i zakonnym intaresam hramadzian, dziaržaŭnym i hramadskim intaresam, padarvała prestyž i aŭtarytet orhanaŭ dziaržaŭnaj ułady.
Hetaja historyja ŭspłyła, kali ŭ listapadzie prakuratura praviarała pracu sudovych vykanaŭcaŭ. Akazałasia, što padazravanaja ŭ červieni 2016 hoda vyrašyła: praściej zakryć dźvie vykanaŭčyja spravy, čym sprabavać spahnać z daŭžnikoŭ 800 rubloŭ.
- Dadzienaja supracoŭnica pracavała ŭ nas da 18 lipienia 2016 hoda, a zatym pajšła pa ŭłasnym žadańni, - raspaviadaje padrabiaznaści Volha Ščara, v.a. načalnika adździeła prymusovaha vykanańnia Vilejskaha rajona. - Jana pavinna była aryštavać majomaść ŭ daŭžnikoŭ, jakija adbyvajuć pakarańnie, i pavinny pakryć paciarpiełym naniesienuju škodu.
Dadzienaja padnačalenaja nie spraŭlałasia sa svaimi abaviazkami, ja joj asabista skazała: «Ci ty biareš siabie ŭ ruki, abo zvalniajsia. Navošta nam takija niadbajnyja rabotniki?». Mabyć, takim čynam jana vyrašyła pazbavicca ad pracy.
Žančyna prapracavała sudovym vykanaŭcam ŭsiaho dva hady. Ciapier prakuratura raspačała kryminalnuju spravu pa č.2 art. 424 KK «Złoŭžyvańnie ŭładaj ci słužbovymi paŭnamoctvami», padazravanaj pahražaje da šaści hadoŭ pazbaŭleńnia voli.
