Alaksandr Łukašenka nakiravaŭsia z aficyjnym vizitam u Respubliku Sudan. Samalot kiraŭnika dziaržavy vylecieŭ z Kairskaha mižnarodnaha aeraporta. La trapa samalota Alaksandra Łukašenki pravodziŭ prezident Jehipta Abdel Fatach al-Sisi, paviedamlaje pres-słužba biełaruskaha lidara.
U Chartumie Alaksandr Łukašenka praviadzie pieramovy z prezidentam Sudana Amaram Chasanam Achmiedam al-Bašyram, na jakich płanujecca abmierkavać pierśpiektyvy i asnoŭnyja napramki raźvićcia biełaruska-sudanskich adnosin, vyznačyć kankretnyja kroki pa ich pašyreńniu. Asablivaja ŭvaha budzie nadadziena pytańniam ekanamičnaha supracoŭnictva. Čakajecca zaklučeńnie šerahu damoŭlenaściaŭ ab raźvićci ŭzajemadziejańnia ŭ roznych śfierach.
Płanujucca taksama sustrečy kiraŭnika biełaruskaj dziaržavy ź Vice-prezidentam Sudana Chasabu Abdelrachmanom i staršynioj Nacyjanalnaj asamblei Ibrahimam Amieram.
U stalicy Sudana padčas vizitu Alaksandra Łukašenki projdzie biełaruska-sudanski dziełavoj forum.