Kłasifikatar śpiecyjalnaściej u Biełarusi istotna refarmujuć, paviedamiŭ u intervju «Nastaŭnickaj haziecie» načalnik upraŭleńnia vyšejšaj adukacyi Ministerstva adukacyi Siarhiej Kaśpiarovič.
Śpiecyjalist raskazaŭ, što adnačasova z novaj redakcyjaj Kodeksa ab adukacyi faktyčna zavieršana raspracoŭka novaha Ahulnadziaržaŭnaha kłasifikatara «Śpiecyjalnaści i kvalifikacyi».
«U novym kłasifikatary buduć realizavany zusim novyja padychody, jakija istotna adroźnivajucca ad papiarednich. U pryvatnaści, śpiecyjalnaści buduć harmanizavany ź vidami ekanamičnaj dziejnaści, aficyjna zaćvierdžanymi ŭ našaj krainie, a taksama ź Mižnarodnaj standartnaj kłasifikacyjaj adukacyi», — prainfarmavaŭ Siarhiej Kaśpiarovič.
«Važnaj asablivaściu novaha kłasifikatara źjaŭlajecca toje, što buduć poŭnaściu vyklučany raniej isnujučyja śpiecyjalizacyi, a taksama kirunki śpiecyjalnaściej. Ciapier u adpaviednaści z novym kłasifikataram budzie adna bazavaja kłasifikacyjnaj adzinka — śpiecyjalnaść», — rastłumačyŭ pradstaŭnik Minadukacyi.
Praduhledžvajecca, što ŭniviersitety, ažyćciaŭlajučy padrychtoŭku pa toj ci inšaj śpiecyjalnaści, zmohuć farmiravać svaju prafilizacyju z ulikam patrebnaściej rynku pracy, moładzi i svaich resursaŭ u pamiery da 50-60 pracentaŭ vučebnaha času ŭ bakałaŭryjacie i da 70 pracentaŭ — u mahistratury. «U ramkach hetaha časavaha resursu ŭniviersitet sam napaŭniaje prafilizacyju z ulikam patrebnaściej zakazčykaŭ kadraŭ, uzhadniajučy ź imi toj ci inšy kirunak», — dadaŭ śpiecyjalist.
