Pa mienšaj miery čatyry čałavieki zahinuli ŭ vyniku stralaniny ŭ čas fiestyvalu elektronnaj muzyki BPM na kurorcie Płaja-del-Karmen u Mieksicy, piša VVS.
Pavodle papiarednich dadzienych, stralaŭ adzin čałaviek, jon adkryŭ ahoń u načnym kłubie Blue Parrot niezadoŭha da śvitańnia.
Mer horada Kryścina Tores raspaviała miascovamu radyjo, što ŭ vyniku stralaniny i nastupnaj ciskaniny siarod naviedvalnikaŭ kłuba paciarpieli kala 15 čałaviek.
Arhanizatary fiestyvalu paviedamili ahienctvu Rejter, što zabityja ŭ tym liku try supracoŭniki słužbaŭ biaśpieki.
Ahienctva Frans pres paviedamlaje, što siarod zahinułych — try zamiežniki.
Płaja-del-Karmen znachodzicca ŭ 68 kiłamietrach na poŭdzień ad Kankuna. Rehijon papularny siarod amierykanskich i jeŭrapiejskich turystaŭ, jaho praktyčna nie zakranuła dziejnaść narkakartelaŭ, ad jakoj pakutujuć mnohija rehijony Mieksiki.
Fiestyval BPM prachodzić na kurorcie Płaja-del-Karmen užo dziesiać hadoŭ, u im biaruć udzieł bolš za 300 muzykaŭ i artystaŭ.