13 studzienia HA «Sajuz biełaruskich piśmieńnikaŭ» abviaściŭ pra pačatak pryjomu prac na konkurs «Ekślibrys», jaki sioleta maje imia Franciška Skaryny, prymierkavany da 500-hodździa biełaruskaha knihadrukavańnia i pryśviečany mastackamu pierakładu na biełaruskuju movu.
Da ŭdziełu zaprašajucca aŭtary va ŭzroście da 35 hadoŭ, jakija pierakładajuć paeziju, prozu abo eseistyku ź luboj movy na biełaruskuju. Tematyka tvoraŭ — lubaja. Prymajucca pierakłady, jakija nidzie nie drukavalisia raniej.
Abjom: da 1 drukavanaha arkuša (40 tys. znakaŭ z prabiełami dla prozy i eseistyki; 700 radkoŭ dla paezii).
Žury konkursu: Iryna Bahdanovič, Lavon Barščeŭski, Źmicier Kołas, Uładzimir Papkovič, Alena Piatrovič, Andrej Chadanovič, Hanna Jankuta.
Teksty na konkurs možna dasyłać fajłami ŭ farmacie.doc da 15 lipienia 2017 hoda na adras [email protected], paznačyŭšy temaj lista «Ekślibrys». U liście musić być nastupnaja infarmacyja: imia, proźvišča, data naradžeńnia ŭdzielnika, kantaktny numar telefona i e-mail.
Pa vynikach konkursu miarkujucca publikacyi ŭ časopisie «Dziejasłoŭ», haziecie «Litaraturnaja Biełaruś», a taksama vydańnie knihi ź pierakładami pieramožcaŭ pry ŭmovie najaŭnaści aŭtarskaha prava.
Za chodam konkursu sačycie na sajcie Sajuza biełaruskich piśmieńnikaŭ.
