U Minsku na vulicy Kalinina piensijanier pamior u svajoj kvatery, jaho cieła znajšli tolki praz dva tydni. Za hety čas niepryjemny pach raspaŭsiudziŭsia pa ŭsim domie. Ciapier susiedzi čakajuć, kali sanstancyja apracuje pamiaškańnie.
Viadoma, što mužčynu było 79 hadoŭ. Jon žyŭ razam z žonkaj, jakaja na hod jaho starejšaja. Dziaciej u pary nie było.
Zhodna z papiarednimi źviestkami, piensijanierka była ŭ balnicy ŭ dzień, kali jaje muž pamior. Praz dva tydni jana viarnułasia dadomu, nie zmahła znajści muža i patelefanavała ŭ milicyju. Pravaachoŭniki, jakija prybyli na miesca, znajšli cieła zahinułaha.
Va USK pa Minsku paviedamili, što pa hetym fakcie pravodzicca pravierka, śledčyja apytvajuć susiedziaŭ, pryznačanaja ekśpiertyza.
Žychary doma kažuć, što z-za niepryjemnaha pachu niemahčyma dychać. Prablema paharšajecca tym, što ŭ kvatery piensijanieraŭ vielmi šmat rečaŭ. Heta ŭskładniła pošuk zahinułaha i rasčystku pamiaškańnia. Kab apracavać kvateru ad pachu, spačatku tam treba ŭsio prybrać. Rabotniki ŽESa ŭžo vyvieźli hruzavik chłamu.
