Pry vybuchu ŭ haražnym kaapieratyvie ŭ Mačuliščach paciarpieli 3 čałavieki, adnamu ź ich spatrebiłasia špitalizacyja. Takaja infarmacyja raźmieščanajana sajcie Ministerstva pa nadzvyčajnych situacyjach.

mchs.gov.by

«Dvum z uładalnikaŭ paškodžanych haražoŭ akazanaja pieršaja miedycynskaja dapamoha miedykami respublikanskaha atrada śpiecyjalnaha pryznačeńnia MNS. Abodva ad špitalizacyi admovilisia. Jašče adzin mužčyna sa šmatlikimi traŭmami bryhadaj chutkaj miedycynskaj dapamohi byŭ špitalizavany ŭ stanie siaredniaj ciažkaści», — udakładnili ŭ MNS.

20 studzienia ŭ 16.39 pastupiła paviedamleńnie pra vybuch z nastupnym hareńniem ŭ dvuchuzroŭnievych cahlanych boksach na terytoryi haražna-budaŭničaha kaapieratyva «Aŭtaturyst» u haradskim pasiołku Mačuliščy Minskaha rajona. U vyniku vybuchu razburanyja šeść haražoŭ (4ch7. m kožny, 3 — na nižnim i 3 — na vierchnim uzroŭniach). Rabotnikami MNS pravodzilisia pracy pa razbory zavałaŭ. Stała viadoma, što paciarpieli šeść aŭtamabilaŭ: «Folksvahien-Šaran», «Piežo-307», «Ford-Sijera», «Piežo-806», «VAZ-2106» i «Parše Kajen». Pryčyna zdareńnia vyśviatlajecca.

Клас
0
Панылы сорам
0
Ха-ха
0
Ого
0
Сумна
0
Абуральна
0