U Pinskim rajonie žančynu, jakaja lažała na prajeznaj častcy, pierajechali dva aŭtamabili, paviedamili ŭ pres-słužbie UUS Bresckaha abłvykankama.

Niaščasny vypadak adbyŭsia 20 studzienia ŭ vioscy Miečycy. U 21.55 na adnoj z vulic nasielenaha punkta byŭ znojdzieny trup miascovaj žycharki 1953 hoda naradžeńnia ź cialesnymi paškodžańniami, charakternymi dla DTZ. Ustanoŭlena, što niezadoŭha da hetaha na žančynu, paznačanuju śviatłoadbiŭnymi elemientami, jakaja lažała na prajeznaj častcy, ździejśnili najezd dva aŭtamabili. Pieršy najezd ździejśnieny kala 21.50 aŭtamabilem «VAZ-21093» pad kiravańniem žychara vioski Tabułki 1992 hoda naradžeńnia. Praz try chviliny na achviaru DTZ najechaŭ UAZ, jaki naležyć adnoj z ustanoŭ achovy zdaroŭja Pinska, pad kiravańniem 54-hadovaha pinčuka.

Pa dadzienym fakcie Pinski mižrajonny adździeł Śledčaha kamiteta raspačaŭ kryminalnuju spravu pa č. 2 art. 317 (parušeńnie praviłaŭ darožnaha ruchu abo ekspłuatacyi transpartnych srodkaŭ, jakoje paciahnuła pa nieaściarožnaści śmierć čałavieka) KK.

Клас
0
Панылы сорам
0
Ха-ха
0
Ого
0
Сумна
0
Абуральна
0