Viadomy ŭkrainski piśmieńnik i muzykant Siarhiej Žadan zasnavaŭ dabračynny fond dla padtrymki humanitarnych prajektaŭ na ŭschodzie Ukrainy. Pra heta havorycca ŭ paviedamleńni na jaho aficyjnaj staroncy ŭ facebook.

«My ź siabrami razumiejem, što padtrymka adukacyi i kultury pavinna być sistematyčnaj i praciahłaj, što raźvićcio humanitarnaj śfiery faktyčna vyznačaje, jakim budzie naša hramadstva za piać-dziesiać hadoŭ. My chočam, kab u budučyni ni ŭ koha nie mahło ŭźniknuć navat dumki pra toje, što ŭschod Ukrainy moža supraćpastavić siabie astatniaj krainie, što Danbas moža razhladacca asobna ad astatnich rehijonaŭ. Charkaŭščyna — heta Ukraina, Danbas — heta Ukraina, i jany majuć patrebu siońnia ŭ asablivaj uvazie i našaj sumiesnaj pracy na pierśpiektyvu», — napisaŭ Žadan.

Na dumku piśmieńnika, stvareńnie fondu daść mahčymaść nie tolki sistematyzavać vałanciorskuju dziejnaść, ale i zrabić jaje bolš maštabnaj i paśladoŭnaj.

«Za hetyja dva z pałovaj hady my nie davali padstaŭ sumniavacca ŭ prazrystaści taho, što my robim, dajučy spravazdaču za kožnuju atrymanuju nami kapiejku. Pastarajemsia i nadalej apraŭdvać vaš davier. Pakolki, tak ci inakš, dabračynny fond — heta vy ŭsie: usie, chto dapamahaje, usie, chto dałučajecca, usie, chto padtrymlivaje i vieryć. Nas nie tak mała, my možam vielmi šmat. Hałoŭnaje — nie bajacca i nie adčajvacca», — napisaŭ jon.

Pavodle jaho słoŭ, najbližejšyja dabračynnyja padziei fondu buduć pryśviečany zboru srodkaŭ dla dziaciej zahinułych ŭkrainskich vajskoŭcaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?