Try čałavieki zahinuli ŭ aŭtamabilnaj avaryi, jakaja zdaryłasia pryblizna a šostaj hadzinie 27 studzienia ŭ Rečyckim rajonie Homielskaj vobłaści.
Kiroŭca aŭtamabila «Mazda-626» jechaŭ pa darozie z boku Śvietłahorska. Jon spyniŭsia la abočyny, vysadziŭšy pasažyrku, jakoj spatrebiłasia ŭ prybiralniu. Žančyna adyšła, a kiroŭca pa niezrazumiełaj pryčynie staŭ razvaročvacca, i ŭ hety momant zdaryłasia sutyknieńnie «Mazdy» z aŭtamabilem «Fijat-Brava», jaki ruchaŭsia ŭ sustrečnym kirunku.
Jak paviedamili va UDAI UUS Homielskaha abłvykankama, u avaryi zahinuli kiroŭca i pasažyr «Mazdy» — mužčyny 1989 i 1983 hadoŭ naradžeńnia, a taksama kiroŭca «Fijata» 1946 hoda naradžeńnia.
