Pieršym namieśnikam ministra sportu i turyzmu staŭ 49-hadovy Viačasłaŭ Durnoŭ. Čym jon viadomy?
Usia karjera hetaha čynoŭnika, jaki naradziŭsia ŭ vioscy Astroŭščyna Połackaha rajona, prajšła ŭ Navapołacku.
Durnoŭ — prafiesijny sparstmien, u 1990-yja jon byŭ čempijonam śvietu i Jeŭropy pa vadnałyžnym sporcie.
Durnoŭ skončyŭ Navapołacki palitechničny instytut i siem hadoŭ ličyŭsia inžynieram na «Palimiry».
Paśla zakančeńnia karjery jon staŭ trenieram, a paśla dyrektaram dziciača-junackaj škoły alimpijskaha rezierva ŭ Navapołacku.
U 2009 hodzie Durnoŭ staŭ načalnikam adździeła fizkultury, sportu i turyzmu Navapołackaha harvykankama, a praz hod — vice-meram. Uvieś hety čas Navapołacki harvykankam uznačalvała Natalla Kačanava, ciapierašniaja kiraŭnica Administracyi prezidenta.
U 2014 hodzie Durnova adpravili kiravać Navapołackim haradskim savietam deputataŭ, a sioleta pieraviali ŭ Minsk, pryčym adrazu pieršym namieśnikam ministra.
Durnoŭ zaniaŭ miesca Alaksandra Hahijeva. «Presboł» anansavaŭ hetuju «zamienu» jašče dva tydni tamu.
