Kamitet dziaržaŭnaj biaśpieki Biełarusi paćvierdziŭ fakt zatrymańnia viadomaha biznesmiena i błohiera, kiraŭnika kampanii «SarmatTerma-Inžynirynh» Alaksandra Knyroviča. Takaja infarmacyja była ahučanaja ŭ efiry telekanała «Biełaruś 1», paviedamlaje BiełTA.
Fota bel.biz
Pa vynikach apieratyŭnaj raspracoŭki zatrymanyja i źmieščanyja pad vartu ŭ SIZA KDB 11 čałaviek. Siarod zatrymanych i Alaksandr Knyrovič.
Ustanoŭlena, što z 2014 hoda pradstaŭniki kampanii «SarmatTerma-Inžynirynh» zabiaśpiečvali praviadzieńnie zakaznych biržavych tarhoŭ dla realizacyi darahoj pradukcyi. Šlacham zmovy i podkupu kiraŭnikoŭ i słužbovych asob pradpryjemstvaŭ ŽKH i arhanizacyj enierhietyki złamyśniki arhanizoŭvali cieniavyja tendary. Pry hetym sumy «adkataŭ» zakładvalisia firmaj u sabiekošt pradukcyi, zavyšanaja cana jakoj uličvałasia pry farmavańni kamunalnych taryfaŭ. Heta značyć faktyčna prybytak kamiersantaŭ i chabary słužbovych asob apłačvalisia za košt nasielnictva. Za dva apošnija hady firma «SarmatTerma-Inžynirynh» takim kryminalnym šlacham pastaviła dziaržstrukturam trub na 90 młn rubloŭ.
