Chiort naradziŭsia ŭ 1940 hodzie ŭ Česterfiłdzie. Jaho baćka byŭ śviatarom, maci aktrysaj.
U 1966 hodzie Chiort źniaŭsia ŭ filmie «Čałaviek na ŭsie časy», jaki byŭ adznačany premijaj «Oskar» u šaści naminacyjach. Paźniej akcior dvojčy byŭ naminavany na premiju Amierykanskaj kinaakademii, za «Paŭnočny ekspres» u 1978 hodzie i «Čałaviek-słon» u 1980-m. Za hetyja filmy jon atrymaŭ premiju BAFTA.
U 2015 hodzie Chiort atrymaŭ rycarski tytuł.
Akcior byŭ taksama viadomy pa rolach druhoha płana ŭ filmach «Čužy», «Hary Poter i fiłasofski kamień», «Indyjana Džons i Karaleŭstva kryštalnaha čerapa» i «Hary Poter i Darunki Śmierci». U ekranizacyi ramana Džordža Orueła «1984» jon vykanaŭ hałoŭnuju rolu Ŭinstana Śmita, u bajaviku-antyŭtopii «V značyć viendeta» — rolu dyktatara Adama Satlera.
Za svaju bolš jak paŭviekavuju karjeru Chiort prasłaviŭsia raznastajnym vykanańniem śmierciaŭ svaich ekrannych piersanažaŭ. Na videachostynhu YouTube raźmieščana videa, dzie sabrany 40 ekrannych śmierciaŭ artysta.
«Ja dajšoŭ da taho, što maje dzieci ŭžo nie pytajucca, ci pamior ja ŭ svaim novym filmie, a cikaviacca, jak mienavita pamior», — kazaŭ sam Chiort.
