Pra heta raskazała karespandentu «Źviazdy» dyrektar knižnaj pałaty Alena Ivanova.
Siaredni tyraž adnoj knihi letaś skłaŭ 2,5 tys. ekzemplaraŭ, a na adnaho žychara našaj krainy vydadziena kala 2,4 knihi.
Dziasiatka vydaviectvaŭ-lidaraŭ pa tyražy zabiaśpiečvaje kala 64% vypusku knih, śpiecyjalisty śćviardžajuć, što heta śviedčyć ab dastatkova vysokaj kancentracyi biźniesu.
Uznačalvaje dziasiatku minskaje vydaviectva «Aviersev», jakoje vypuskaje pieravažna navučalnuju litaraturu dla škoły.
Vydaviectva «Charviest», jakoje ŭ raniejšyja hady zabiaśpiečvała kala 25% vypusku knih pa nazvach i bolš za 40% pa tyražy, druhi hod zapar nie traplaje ŭ rejtynh pieršaj dziasiatki pa tyražy, a siarod lidaraŭ pa kolkaści nazvaŭ zajmaje 5-ju pazicyju (jak i ŭ 2015-m).
Pa kolkaści nazvaŭ vydavieckija mahutnaści raźmierkavany bolš raŭnamierna. Lidary zabiaśpiečvajuć tolki 24,7% vypusku, a ŭznačalvaje ich znoŭ ža «Aviersev».
Asnoŭnaja kolkaść knih — bolš za 70% — pa-raniejšamu vypuskajecca ŭ stalicy. Značnym vydavieckim centram letaś byŭ i Mazyr. Miascovaje vydaviectva «Bieły viecier» vyvieła Homielskuju vobłaść u biezumoŭnyja lidary siarod abłaściej i pa tyražy, i pa kolkaści nazvaŭ.
Jakija ž knihi vydavalisia letaś u Biełarusi? 51% knih zajmajuć navučalnyja vydańni, 17% — navukovyja i navukova-papularnyja, pa 6,6% i 7,2% u daviedačnych i vytvorčych.
Padzieńnie praciahvajecca ŭ takim značnym siehmiencie, jak mastackaja litaratura, — minus 9,7% pa kolkaści nazvaŭ i minus 35% pa tyražy.
Na dumku dyrektara knižnaj pałaty, tut usio bolš adbivajecca ŭpłyŭ internetu, elektronnych knih i zamiaščeńnie imi vydańniaŭ u papiarovaj formie. Hetyja ž faktary mahli paŭpłyvać i na źmianšeńnie pakazčykaŭ u halinie navukovaj litaratury. Takich vydańniaŭ letaś vypuščana na 11,3% mienš pa nazvach i na 22,5% — pa tyražy.
Adnak usie strachi, što internet kančatkova zahubić papiarovuju knihu, nie apraŭdalisia. Jak dysk nikoli nie zamienić žyvoha kancerta, tak i elektronnaja kniha nie zamienić papiarovuju.
Što da knih na biełaruskaj movie, ich u 2016 hodzie vypuščana 1122 nakładam bolš za 3,7 młn asobnikaŭ.
Ad ahulnaj kolkaści heta 11,7% pa nazvach i 16,2% pa tyražach. Heta praktyčna paŭtaraje vyniki 2015-ha.
Najbolš tyražnaj u siehmiencie knih na biełaruskaj movie źjaŭlajecca vučebnaja litaratura, sukupny tyraž jakoj u 2016 hodzie skłaŭ 3,2 młn asobnikaŭ, abo 84,8% usich biełaruskamoŭnych knih.
Tak, na biełaruskaj movie tyražom zvyš za 100 tysiač ekzemplaraŭ vypuščany navučalnyja vydańni «Padarožža ŭ śviet muzyki» (114 tysiač), «Biełaruś — naša Radzima: Padarunak Prezidenta Respubliki Biełaruś A. R. Łukašenki pieršakłaśniku» (118,4 tysiačy), padručniki pa biełaruskaj movie i litaratury.
Siaredni tyraž mastackaj litaratury na biełaruskaj movie skłaŭ 800 asobnikaŭ.
Siarod vydańniaŭ najbolšym tyražom — 30,4 tysiačy ŭ vydaviectvie «Mastackaja litaratura» vyjšaŭ zbornik paezii «Sercam narodžany śpieŭ».
Hetaje ž vydaviectva vypuściła jašče dźvie tyražnyja knihi: zbornik apaviadańniaŭ i kazak «Hołas dušy i serca» (22,6 tysiačy), vydańnie Michasia Čarniaŭskaha «Strała Rasamachi» (22,6 tysiačy).
Značnymi tyražami vydavalisia tvory biełaruskich kłasikaŭ — Mieleža, Kupały, Karatkieviča, Šamiakina, Janki Maŭra. Jany vychodzili ŭ dziaržaŭnych vydaviectvach i ŭ vydaviectvie «Papury».
