Treciuju pieramohu zapar atrymała minskaje «Dynama» ŭ čempijanacie Kantynientalnaj chakiejnaj lihi. 28 studzienia na svajoj placoŭcy staličnaja kamanda ź likam 2:1 (1:0, 1:1, 0:0) vyjhrała ŭ «Barysa» z Astany, jaki ŭznačalvaje biełaruski trenier Eduard Zankaviec.
Šajby zakinuli: u haspadaroŭ — Alaksandr Paŭłovič, Mikita Mickievič; u haściej — Brendan Bačenski.
Paśla 52 matčaŭ «Dynama» z 90 ačkami zajmaje 6-je miesca siarod 14 kamand Zachodniaj kanfierencyi.
Nastupnyja čatyry matčy dynamaŭcy praviaduć na vyjeździe: 30 studzienia — u Chielsinki suprać «Jokieryta», 1 lutaha — u Jekacierynburhu suprać «Aŭtamabilista», 3-ha — u Astanie suprać «Barysa», 5-ha — u Chanty-Mansijsku suprać «Juhry». Usiaho ŭ režymie praź dzień biełaruskaja kamanda zhulaje vosiem sustreč (z 24 studzienia pa 7 lutaha).
