Dačka artysta Anastasija Cichanovič nazvała kp.by chvarobu, ad jakoj pakutavaŭ jaje baćka.
Hučyć jon tak: aŭtaimmunnaje zachvorvańnie lohkich — idyjapatyčny fibrazujučy alviealit. Heta davoli redkaje zachvorvańnie, ź jakim žyvuć 3—4 hady. Alaksandr Cichanovič pražyŭ ź im amal 7 hadoŭ. Toje, što artyst tak mocna schudnieŭ za apošni hod, — adna z prajaŭ hetaj chvaroby.
— Radykalnaha lačeńnia na siońniašni dzień nie isnuje, jaho možna tolki tarmazić, čym my i zajmalisia ŭvieś hety čas, — raspaviała Naścia. — Hod tamu ŭ jaho zdaryłasia paharšeńnie, i jon taksama doŭha lažaŭ u balnicy. My rabili ŭsio, što možna, jon jeździŭ na lačeńnie ŭ Niamieččynu. Na žal, heta takoje zachvorvańnie, vylečycca ad jakoha niemahčyma. Tata vielmi nie chacieŭ, kab pra zachvorvańnie viedała šyrokaja hramadskaść. Tamu my nie rabili publičnych zajaŭ i nie źbirali srodki.
Jon chacieŭ zastavacca aktyŭnym, być na scenie stolki, nakolki heta budzie mahčyma.
Tak jano i było — svoj apošni kancert 13 studzienia na prezidenckim bali jon adpracavaŭ, a 14 studzienia trapiŭ u balnicu. Jamu było vielmi ciažka ŭžo 13 studzienia, i ŭsie heta bačyli. Ale jon zrabiŭ usio, što zmoh.
Alaksandr Cichanovič byŭ u špitali pad kisłarodnaj maskaj amal dva tydni, ale ŭ tyja momanty, kali jaje zdymali, staraŭsia ŭśmichacca i sprabavaŭ padbadzioryć rodnych, jakija byli pobač. Jon trymaŭsia vielmi mužna da samaha apošniaha momantu …
— Ja była ź im da samaha kanca, — kaža Nasta.
Raźvitańnie z Alaksandram Cichanovičam projdzie 30 studzienia ŭ Minsku
Raźvitacca z narodnym artystam Biełarusi možna budzie ŭ chramie Alaksandra Nieŭskaha (Kazłova, 11), dzie ŭ 7.45 pačniecca paminalnaja liturhija. Paśla jaje — adpiavańnie (mierkavana ŭ 8.45).
Hramadzianskaja panichida adbudziecca ŭ Fiłarmonii z 11.00 da 14.00
Pamior narodny artyst Biełarusi Alaksandr Cichanovič
