Baskietbalisty «Cmokaŭ-Minsk» paciarpieli šostaje paražeńnie zapar u Adzinaj lizie VTB. 29 studzienia «drakony» sastupili ŭ Sankt-Pieciarburhu adnamu ź lidaraŭ turniru «Zienitu» ź likam 56:84.
Vyjhraŭšy ź pieravahaj u 2 bały pieršuju čverć, minčanie zatym vypuścili inicyjatyvu i ŭ vyniku paciarpieli bujnuju parazu z roźnicaj u 28 bałaŭ.
«Cmoki» nie pieramahajuć u Adzinaj lizie VTB ŭžo bolš za dva miesiacy, z 20 listapada, kali ŭ Piermi była abyhrana «Parma», jakaja nie atrymała nivodnaj pieramohi ŭ 14 matčach i zamykaje turnirnuju tablicu.
«Cmoki» z 3 pieramohami ŭ 13 pajadynkach zajmajuć 11-je miesca siarod 13 kamand. Lidzirujuć u turniry CSKA — 13 pieramoh u 14 matčach, «Łakamatyŭ» — 11 u 13, «Chimki» - 11 u 14, «Zienit» - 11 u 14.
Nastupny matč u Adzinaj lizie VTB biełaruski kłub praviadzie 2 lutaha ŭ Saratavie suprać «Aŭtadora», jaki z 4 pieramohami ŭ 13 matčach zajmaje 10-je miesca ŭ tablicy.
