Kiraŭnik aparata prezidenta ZŠA Rejns Prybus zajaviŭ u intervju kanału En-bi-si, što zabarona na ŭjezd u ZŠA hramadzianam siami isłamskich krain nie tyčycca ŭładalnikaŭ hryn-karty, heta značyć, tych, chto atrymaŭ prava na pastajannaje pražyvańnie ŭ ZŠA.
washingtonpost.com
U toj ža čas jon paviedamiŭ, što tych, u kaho ŭ pašparcie šmat adznak ab naviedvańni krain, jakija ŭvajšli ŭ čorny śpis, pry ŭjeździe ŭ ZŠA buduć praviarać bolš pilna.
«Kali vy padarožničajecie tudy i nazad (pamiž ZŠA i nazvanymi siamju krainami), to vas padvierhnuć dalejšym pravierkam», — skazaŭ jon.
Prybus taksama dadaŭ, što ŭsie hramadzianie nazvanych krain, u tym liku tych, chto maje taksama hramadzianstva ZŠA, mohuć być padvierhnutyja dadatkovym praceduram pravierki.
Takim čynam Prybus abvierh zroblenuju raniej zajavu pres-sakratara ministerstva ŭnutranaj biaśpieki ZŠA Džylijan Krystensen, jakaja zajaviła, što zabarona budzie ŭviedziena i ŭ dačynieńni da ŭładalnikaŭ hryn-karty.
Taksama kiraŭnik administracyi prezidenta abvierh paproki ŭ tym, što ŭviadzieńnie zabarony vyklikała chaos. Pavodle jaho słoŭ, u subotu ŭ ZŠA zajechali 325 tys. čałaviek, tolki 109 ź ich byli zatrymanyja.
