Uładzimir Maksimkaŭ na svaim kanale ŭ Juciubie vykłaŭ videa, jak Alaksandr Cichanovič i Jadviha Papłaŭskaja zapisvajuć u jahonym aŭtamabili pieśniu «Oj, kaladačka».
«Alaksandr Cichanovič — sapraŭdny artyst i sapraŭdny čałaviek… Pierad samym novym hodam zdymali muzyčnaje vinšavańnie, u jakim artysty Biełarusi śpiavali frahmienty pieśni «Oj, kaladačka» … Heta poŭny dubl z udziełam Jadvihi Papłaŭskaj i Alaksandra Cichanoviča», — napisaŭ Maksimkaŭ.
Praśpiavaŭšy Alaksandr Cichanovič paśla paŭzy kaža: «Ja ž vylečyŭsia, razmaŭlać nie moh».
Artyst taksama źniaŭsia ŭ videavinšavancy z Novym hodam Bresckaha handbolnaha kłuba imia Miaškova «Zaviruchu».
Narodny artyst Biełarusi Alaksandr Cichanovič pamior 28 studzienia paśla doŭhaj chvaroby. Jamu było 64 hady.
U paniadziełak u Fiłarmonii, što na płoščy Jakuba Kołasa, ad 11 da 14:00 projdzie raźvitańnie.
Apošnija hady Alaksandr Cichanovič pakutavaŭ na redkuju aŭtaimunnuju chvarobu
