Pahladzicie ich prezientacyjny rolik na biełaruskaj movie:

Arhanizatar prajekta — Maksim Rusakovič, jon vučycca ŭ aśpirantury BDEU. Dzianis Krascynin — prahramny raspracoŭščyk.

Dzianis Krascynin (źleva) i Maksim Rusakovič.

Dzianis Krascynin (źleva) i Maksim Rusakovič.

Asnoŭnaja ideja dadatku — pošuk i znajomstva nie pa fatahrafijach, a pa videa. Rehistracyja ŭsich karystalnikaŭ ažyćciaŭlajecca paśla dałučeńnia siamisiekundnaha videavitańnia. Pryncyp prosty: znachodzicie čałavieka, bačycie videavitańnie, pišacie paviedamleńnie i sustrakajeciesia.

NN: Jak uźnikła ideja stvareńnia?

Maksim: Niahledziačy na svaju śpiecyjalnaść, ja zaŭsiody cikaviŭsia roznymi dadatkami, stvareńniem sajtaŭ. Kali ja pastupiŭ va ŭniviersitet, byŭ saramlivym chłopcam, tamu zvyčajna znajomiŭsia ŭ internecie. A prablema znajomstvaŭ praź internet takaja: čałaviek nie zaŭsiody vyhladaje, jak u siecivie. Kali brać dadatki Badoo, Tinder, to tam prosta niejmaviernaja kolkaść fejkaŭ, jakija vydajuć siabie za inšych ludziej.

Dzianis: Stvaryć pryhožy profil možna kamu i jak zaŭhodna. Ja dumaju vy sami zaŭvažali, što navat profili ŭ fejsbuku časta nie supadajuć z realnymi pohladami i vyhladam čałavieka. Kali Maksim raspavioŭ svaju ideju, ja sapraŭdy pabačyŭ u hetym sens. Tamu vyrašyŭ dapamahčy technična ažyćciavić kancepcyju.

Rehistracyja ŭ dadatku adbyvajecca za 5 krokaŭ.

NN: Ale ci kožny advažycca zapisać samaprezientacyjnaje videa?

Maksim: My i robim heta dla taho, kab ludzi nie saromilisia siabie pakazać. Kab ludzi stali samastojnymi, mocnymi i ŭ pierśpiektyvie havaryli ŭsim, što paśpiachova paznajomilisia na «Abodva». I plus, vy možacie nie bajacca, što vaš profil mohuć skapijavać, ci naadvarot, vam buduć pisać niesapraŭdnyja ludzi. U nas stvorana davoli žorstkaja sistema pravierki akaŭntaŭ, jakuju buduć vykonvać sapraŭdnyja ludzi, a nie prahrama ci niejki kod. I taksama, kab paźbiehnuć spam-botaŭ, paśla zapisu kožnaha videa čałaviek budzie ŭvodzić kod, tym samym paćviardžajučy, što jon sapraŭdny čałaviek.

NN: Na siońnia ci hatovy da karystańnia vaš dadatak?

Maksim: Nie, tamu my ŭ chutkim časie zapuścim kraŭdfandynhavuju kampaniju na placoŭcy «Indiegogo». Dla taho, kab całkam darabić «Abodva», nam patrebnyja dadatkovyja prahramisty. Zaraz u našaj kamandzie dyzajnier i linhvist. U nas jość peŭnyja składanaści, i $20 tysiač, jakija my chočam sabrać, dapamohuć nam darabić dadatak. Paśla zboru hrošaj my płanujem zapuścić «Abodva» na płatformu Android.

NN: A čamu mienavita na zamiežnaj kraŭdfandynhavaj placoŭcy?

Maksim: U nas, na žal, ludzi jašče nie zusim zvykli davać hrošy na prajekty, jakija znachodziacca ŭ stadyi raspracoŭki. Za miažoj heta bolš papularna, i staviacca da hetaha praściej.

Dzianis: Tut jašče važna, što my chočam atrymać peŭnuju zvarotnuju suviaź. I na mižnarodnaj placoŭcy jaje možna atrymać našmat bolš. Ja sačyŭ za rasijskim dadatkam dla znajomstvaŭ «Badoo» i tym, u jakoj krainie ich dadatak najbolš papularny. Vy nie pavierycie, ale samaja vialikaja kolkaść karystalnikaŭ u Łacinskaj Amierycy! Tamu nie zaŭsiody samaja vialikaja dola zvarotnaj suviazi prychodzić mienavita z krainy stvareńnia prahramy.

NN: Kolki hrošaj vy patracili na raspracoŭku «Abodva»?

Maksim: Usio zroblena svaimi rukami. Pakul u nas niama svajho ofisa, my ŭsie resursy raschodujem vielmi aščadna. Tamu ŭsie hrošy, jakija my źbiarem, my patracim na prahramistaŭ, jakija dapamohuć nam darabić dadatak.

NN: Jak źbirajeciesia zarablać paśla vychadu dadatku?

Maksim: U nas jość peŭnaje abmiežavańnie na kolkaść paviedamleńniaŭ, jakuju možna adpraŭlać za dzień. Ludziam, jakija spadabajucca karystalniku, za dzień možna adpravić siem paviedamleńniaŭ. Kali karystalnik žadaje adpraŭlać bolš, moža kupić pakiety na miesiac, try ci navat šeść ź bieźlimitnaj mahčymaściu adpraŭlać paviedamleńni. Pry hetym usich udzielnikaŭ kraŭdfandyhavaj kampanii čakajuć uznaharody ŭ vyhladzie dostupu da nieabmiežavanych paviedamleńniaŭ na peŭnuju kolkaść dzion u zaležnaści ad sumy.

NN: Isnuje stereatyp, što paśla taho jak čałaviek znachodzić sabie partniora, jany spyniajuć ci mienš karystajucca dadatkami dla znajomstvaŭ. Jak budziecie ŭtrymlivać aŭdytoryju?

Dzianis: Nasamreč nie. Ja bačyŭ statystyku, dzie napisana, što ŭ takich vypadkach akaŭnt stanovicca mienš aktyŭnym, ale ŭsio roŭna čas ad času vykarystoŭvajecca. Vidać, tajna ad partniora… (śmiajucca). Tamu nie dumajem, što takaja prablema budzie.

NN: Siarod movaŭ dadatkaŭ u vas paznačanyja biełaruskaja, ruskaja i anhlijskaja. Čamu vy vyrašyli nadać stolki ŭvahi rodnaj movie?

Maksim: Anhlijskaja mova mižnarodnaja, ruskaja — dla ruskamoŭnaj aŭdytoryi i biełaruskaja mova jak rodnaja. Sam ža prajekt maje biełaruskamoŭnuju nazvu, prajekt zrobleny biełarusami, ale dla ŭsiaho śvietu. Biełaruś z kožnym hodam usio bolej padymajecca ŭ rejtynhu IT-pasłuh. Kali paraŭnać Biełaruś z Rasijaj, to my apiaredžvajem ich u hetaj śfiery ŭ 4 razy. U nas stvarajucca dobryja ŭmovy na bazie Parku vysokich technałohij. I my spadziajemsia, što naš biełaruski dadatak aceniać nie tolki za miažoj, ale i ŭ nas.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?