Isłam nie źjaŭlajecca krynicaj teraryzmu, zajaviła kancler FRH Anhieła Mierkiel. Vystupajučy ŭ subotu, 18 lutaha, na Miunchienskaj kanfierencyi pa biaśpiecy, jana zaklikała aŭtarytetnych pradstaŭnikoŭ isłamu admiežavacca ad teraryzmu.

Kiraŭnik hiermanskaha ŭrada padkreśliła, što čakaje ad ich «vyraznych słoŭ» ab dystancyjavańni mirnaha isłamu ad isłamizmu. Akramia taho, pa jaje słovach, varta pryciahvać isłamskija dziaržavy da baraćby suprać teraryzmu, piša DW.

Z sučasnymi vyklikami niemahčyma spravicca ŭ adzinočku, pakazała dalej Mierkiel. Tolki ŭ supracoŭnictvie suśvietnaja supolnaść zdolnaja vyrašyć zadačy, jakija ŭźnikli pierad joj, zajaviła jana. Tak, važnyja suśvietnyja prablemy nieabchodna ŭładžvać ŭ supracoŭnictvie z ZŠA i Rasijaj, ličyć niamiecki lidar.

Adnosiny Jeŭrasajuza z RF zastajucca składanymi, ale supracoŭničać z Maskvoj nieabchodna, kab zmahacca z teraryzmam, padkreśliła Mierkiel. «Sumiesnaja baraćba suprać isłamskaha teraryzmu — heta śfiera, u jakoj u nas adnolkavyja intaresy i ŭ jakoj my možam pracavać razam», — dadała jana.

Adnačasova kiraŭnik urada FRH padkreśliła važnuju rolu Vašynhtona ŭ baraćbie suprać džychadzistaŭ. Jeŭropa nie zmahła b spravicca z hetaj zadačaj biez ZŠA, upeŭnienaja jana. «Nam nieabchodnaja vajennaja siła Złučanych Štataŭ», — adznačyła Mierkiel.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?