Pieršy namieśnik staršyni KDB hienierał-major Ihar Siarhiejenka ŭ časie kruhłaha stała ŭ «Sovietskoj Biełoruśsii» pa pytańniach miemaryjalizacyi Kurapat nazvaŭ ličbu represavanych u saviecki čas. Jon skazaŭ nastupnaje:

«…Ja nie zvodziŭ by ŭsio mienavita da 1937 hoda. Heta byŭ pik represij. Ale źviartaju ŭvahu, što paśla CK KPSS prymaŭ rašeńnie ab reabilitacyi achviar palityčnych represij 1920—1980-ch hadoŭ. Pačatak represij prypadaje mienavita na 1920-ja hady… Sučasnaja navuka kaža: ideałahičnaj asnovaj palityčnych represij była teza Stalina, što pa miery budaŭnictva sacyjalizmu kłasavaja baraćba abvastrajecca. Chacieŭ by pryvieści niekatoryja ličby datyčna archivaŭ Kamiteta dziaržbiaśpieki. Zrazumieła, što ŭ hady Vialikaj Ajčynnaj vajny častka archivaŭ była źniščana, ale hetaja častka zusim niaznačnaja. Tamu siońnia, abapirajučysia na faktyčnyja ličby, ja mahu skazać: pa kryminalnych spravach — sudovymi i niesudovymi sposabami — było represavana 235,5 tysiačy čałaviek [u hetaj ličbie nie ŭličvajucca represavanyja biez kryminalnych spraŭ — naprykład, departavanyja ŭ Sibir bahatyja sialanie. — NN]. Heta za ŭvieś pieryjad — z 1920-ch pa 1950-ja hady. Heta spravy, jakija znachodziacca ŭ Centralnym archivie KDB i archivach abłasnych upraŭleńniaŭ, jakija tyčacca i pazbaŭlenych svabody, i rasstralanych. Ź ich 176 tysiač byli reabilitavanyja…

Siońnia ni ŭ kaho nie vyklikaje sumnievu toje, što ŭ Kurapatach lažać ludzi, jakija byli biaźvinna, niezakonna rasstralanyja ŭ 1930—1940-ja hady, — skazaŭ namieśnik staršyni KDB. — Toje, što my abmiarkoŭvajem heta siońnia i vychodzim na kankretnyja prapanovy, kaža pra nastupnaje: z hetaj temy nieabchodna źniać štučnuju palityzavanaść, jakaja nikoli ni da čaho dobraha nie pryvodziła. Siońnia pra Kurapaty možna kazać jak pra vialikija mohiłki nacyjanalnaha maštabu, dzie spačyvajuć takija ž ludzi, jakija hinuli i ŭ Babrujsku, Barysavie, Viciebsku, Homieli, Mahilovie, Mazyry, Oršy, Połacku, Słucku, Červieni. U vyvučanych spravach pakazvajecca 11 takich miescaŭ. Stvarajučy pamiatny znak, my addamo daninu pamiaci ŭsim zahinułym, niezaležna ad taho, dzie heta adbyłosia…», — skazaŭ pieršy namieśnik staršyni KDB.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?