Žury premii «Debiut» imia Maksima Bahdanoviča nazvała sioletni šort-list. U jaho ŭvajšli nastupnyja knihi i aŭtary (poŭny śpis — pa spasyłcy):

Paezija

Alaksiej Arciomaŭ. Skroź kiłamietry. — Minsk: Knihazbor

Michał Baranoŭski. VOLUMEN 1. — Minsk: Knihazbor

Hanna Komar. Strach vyšyni. — Minsk: Knihazbor

Proza

Andrej Dzičenka. Soniečny čałaviek. — Minsk: IP A.M.Januškievič

Andruś Horvat. Radziva «Prudok». Dziońnik. — Minsk: Miedysont

Uładzimir Sadoŭski. 1813. — Minsk: IP A.M. Januškievič

Pierakład

Adela Dubaviec (pier. z polskaj): Vitald Šabłoŭski. Taniec miadźviedziaŭ. — Piaršak, elektronnaje vydańnie

Nadzieja Kim (pier. z anhlijskaj): Kłajv Stejpłz Ljuis. Chroniki Narnii: plamieńnik čaraŭnika. — Minsk: Pazityŭ-centr

Siuzanna Paŭkšteła (pier. ź litoŭskaj): Alvidas Šlapikas. Boh daždžu. — Vilnia: Łohvinaŭ

Sioleta ŭ žury premii ŭvajšli: Pavał Bierahovič, Anatol Ivaščanka, Viktar Kaźko, Nasta Kudasava, Taćciana Niadbaj, Michaś Skobła, Cichan Čarniakievič.

Pieramožcy premii ŭ kožnaj z naminacyjaŭ atrymajuć ček ad Fondu «Viartańnie» na sumu, ekvivalentnuju 2000$ pavodle kursu Nacyjanalnaha banka RB. Taksama žury moža pryniać rašeńnie pra ŭručeńnie zaachvočvalnych pryzoŭ.

Premija «Debiut» imia Maksima Bahdanoviča była zasnavanaja ŭ 2010 hodzie Biełaruskim PEN-centram, Dabračynnym fondam «Viartańnie» i Sajuzam biełaruskich piśmieńnikaŭ. Siarod papiarednich pieramožcaŭ premii — Vital Ryžkoŭ, Natałka Charytaniuk, Anton Francišak Bryl, Viktar Marcinovič, Andrej Adamovič, Julija Šarova, Hanna Jankuta, Uładź Lankievič, Kaciaryna Oaro, Kaciaryna Macijeŭskaja, Alaksiej Pałačanski, Taćciana Niadbaj, Anatol Ivaščanka, Śviatłana Rohač i inš.

Клас
0
Панылы сорам
0
Ха-ха
0
Ого
0
Сумна
0
Абуральна
0