Andrej Jaronin, salist ansambla «Pieśniary» pad kiraŭnictvam Leanida Bartkieviča, atrymaŭ traŭmu hałavy padčas zdymak klipa na pieśniu «Pryjdzi da mianie». Pra heta «Lenta.Ru» paviedamiŭ mieniedžar kalektyvu Kanstancin Filipaŭ.

Pa słovach pradstaŭnika ansambla, pa siužecie muzyčnaha videa ŭ Jaronina pavinna była adbycca bojka z apanientam. «Padčas sceny z bojkaj akcior Siarhiej Jackoŭ tak uvajšoŭ u rolu hałoŭnaha mardaboju, što nie raźličyŭ siłu svajho ŭdaru i, miakka kažučy, mocna ŭdaryŭ», — raspavioŭ Filipaŭ.

U Jaronina z nosa paciakła kroŭ, jon adčuŭ mocnaje niedamahańnie. Zdymki klipa pryjšłosia prypynić.

«Pieśniary» — lehiendarny biełaruski vakalna-instrumientalny ansambl, jaki ŭznačalvaŭ Uładzimir Mulavin. U ciapierašni čas isnuje adrazu niekalki adnajmiennych muzyčnych kalektyvaŭ («Biełaruski dziaržaŭny ansambl «Pieśniary», «Ansambl «Pieśniary» pad kiraŭnictvam Leanida Bartkieviča», «Biełaruskija pieśniary»), jakija vykonvajuć pieśni z repiertuaru ansambla.

Клас
0
Панылы сорам
0
Ха-ха
0
Ого
0
Сумна
0
Абуральна
0