6 sakavika ŭ Leninskim sudzie Bresta adbyŭsia sud nad aktyvistam Andrejem Šarendam, jakoha vinavacili ŭ arhanizacyi i ŭdziele ŭ niesankcyjanavanaj masavaj akcyi 26 lutaha.

Padtrymać Andreja Šarendu pryjšli niekalki dziasiatkaŭ čałaviek.

«Z vykarystańniem płakata i mikrafona ŭdzielničaŭ u pikietavańni i šeści, čym paŭtorna ciaham hodu parušyŭ zakon «Ab masavych mierapryjemstvach», — začytaŭ abvinavačańnie Šarendy sudździa.

Sudździa zrabiŭ papiaredžańnie žoncy padsudnaha — Palinie Šarendzie-Panasiuk. Jana kinuła repliku pra toje, što nie ličać dziejnaje zakanadaŭstva lehitymnym. Sudździa zrabiŭ joj papiaredžańnie ab mahčymym vydaleńni z zały.

Andrej Šarenda zajaviŭ chadajnictva pra niedavier sudździ praz toje, što jaho žoncy milicyjanty załomvali ruki. Paśla pieramovaŭ sudździa adchiliŭ chadajnictva ab advodzie. Śviedka milicyjant raskazaŭ, što Šarenda praź miehafon vykrykvaŭ łozunhi «Basta!», «Dałoŭ Łukašenku!» dy pavioŭ šeście da abłvykankama, a potym u centr horada.

Jašče adzin śviedka-milicyjant raspavioŭ, što Šarenda 26 lutaha na płoščy Lenina kryčaŭ «Lis, sychodź!» (Lis — staršynia abłvykankama), «Łukašenka, sychodź!» i nalapiŭ na hanku abłvykankama nalepku z nadpisam «Basta!».

«Vina Šarendy dakazanaja ŭ poŭnym abjomie», — skazaŭ sudździa i vynies prysud: 25 bazavych vieličyń, albo 575 rubloŭ.

«Kožny ŭ śviecie maje prava na mirny pratest. Ja nie liču siabie vinavatym i liču hety sud bałahanam», — zajaviŭ Andrej Šarenda.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?