Prezident Kazachstana Nursułtan Nazarbajeŭ padpisaŭ zakon ab źmienach u kanstytucyju krainy, jaki pašyraje rolu parłamienta i ŭrada ŭ palityčnym žyćci, piša VVS.
Zakonaprajekt byŭ uchvaleny parłamientam Kazachstana 6 sakavika, paśla čaho pastupiŭ na podpis prezidenta.
Zhodna z dakumientam, uradu pieradajecca prava zaćviardžać dziaržaŭnyja prahramy i adzinuju sistemu finansavańnia i apłaty pracy rabotnikaŭ dla ŭsich orhanaŭ, jakija ŭtrymlivajucca za košt dziaržbiudžetu.
Akramia taho, zakonaprajekt pašyraje rolu mažylisa (nižniaj pałaty parłamienta krainy) pry farmavańni ŭrada, a taksama daje parłamientu bolš mahčymaściaŭ kantralavać pracu kabinieta ministraŭ.
U śniežni 2016 hoda Nazarbajeŭ daručyŭ śpiecyjalnaj kamisii razhladzieć mahčymaść pieraraźmierkavańnia paŭnamoctvaŭ pamiž prezidentam, parłamientam i ŭradam, adznačyŭšy adnak, što Kazachstan usio roŭna zastaniecca dziaržavaj z prezidenckaj formaj kiravańnia.
Za miesiac da hetaha niekalki deputataŭ mažylisa prapanavali pierajmienavać stalicu Kazachstana Astanu ŭ Nursułtan u honar prezidenta krainy.
Kiraŭnik Kanstytucyjnaha savieta Kazachstana Ihar Rohaŭ tady ž zajaviŭ, što dapuskaje mahčymaść abmierkavańnia na refierendumie jašče adnoj inicyjatyvy deputataŭ: uviekaviečyć u preambule kanstytucyi krainy zasłuhi prezidenta Nazarbajeva.