51-hadovaja žančyna pamierła siońnia, 10 sakavika. Paciarpiełaja prachodziła lačeńnie ŭ Minskaj BCHMD. Infarmacyju ab śmierci TUT.BY paćvierdzili na Skidzielskim cukrovym kambinacie.
U samoj balnicy fakt śmierci i stan dvuch inšych paciarpiełych nie kamientujuć. Pamierłaj žančynie byŭ 51 hod. Heta ŭžo druhaja achviara vybuchu na Skidzielskim pradpryjemstvie. Na minułym tydni ŭ noč ź piatnicy na subotu pamierła 44-hadovaja rabotnica zavoda, jakaja prachodziła lačeńnie ŭ Hrodzienskaj BCHMD.
Nahadajem, što vybuch pyłapavietranaj sumiesi adbyŭsia na cukrovym kambinacie u Skidzieli 25 lutaha.
Piać rabotnic kambinata (uzrostu 42-54 hady) atrymali apioki (ad 50% cieła i vyšej), baratraŭmy i byli špitalizavany. Paźniej try ź ich pieravieźli ŭ Respublikanski apiokavy centr u Minsku. Pa dadzienym fakcie Śledčy kamitet pačaŭ kryminalnuju spravu pa art. 428 Kryminalnaha kodeksa (Słužbovaja niadbajnaść). Sankcyja artykuła — da 5 hadoŭ pazbaŭleńnia voli.
Na minułym tydni daktary raspaviadali, što stan dvuch pacyjentak, jakija prachodzili lačeńnie ŭ Hrodnie, ciažki. Žančyny byli ŭviedzieny ŭ stan miedykamientoznaj komy.