Žychar kitajskaha horada Urumčy vyrašyŭ zrabić svajoj dziaŭčynie niezvyčajnuju prapanovu ruki i serca. U jakaści ramantyčnaha padarunka jon padnios vybrańnicy vielizarny 33-tonny kamień, upryhožany pialostkami ruž. Pra heta paviedamlajuć infarmahienctvy sa spasyłkaj na Shanghaiist.
Adznačajecca, što žanich Lu Fej abiacaŭ raniej padaryć svajoj niavieście kvateru, adnak u vyniku pieradumaŭ i nabyŭ inšy padarunak. Za «viasielny» kamień jon addaŭ kala $160 tysiač — navat bolš, čym mahła kaštavać prastornaja kvatera. Lu Fej raspavioŭ, što kupiŭ kamień u kalekcyjaniera, jaki zapeŭnivaŭ, što heta sapraŭdny mietearyt.
Žanich u prysutnaści hledačoŭ apuściŭsia na kalena kala kamienia, uručyŭ dziaŭčynie piarścionak i prapanavaŭ joj vyjści za jaho zamuž.
Vynachodlivy žanich byŭ ździŭleny, što jaho kachanaj Van Fanfan padarunak nie vielmi spadabaŭsia. Jana nie mahła schavać svajo rasčaravańnie, kali ŭbačyła vałun, nakryty čyrvonaj tkaninaj. Niaviesta, jak paviedamlajecca, prapanovu ŭsio ž pryniała. Lu Fej i Van Fanfan sustrakajucca ŭžo čatyry hady.