Holstein Friesian cattle
Pieršaja partyja z 40 karoŭ hałštejnskaj parody (Holstein Friesian cattle) ŭžo pahružanaja i ŭ chutkim časie budzie adpraŭlenaja nazad, zajaviŭ kiraŭnik Tureckaj asacyjacyi vytvorcaŭ čyrvonaha miasa Biulent Tunč ŭ sieradu, 15 sakavika.
Kali Niderłandy admoviacca pryniać karoŭ, to žyvioły buduć nakiravanyja na zaboj, dadaŭ jon.
«U budučym my nie chočam atrymlivać pradukty žyviołahadoŭli z Hałandyi», — zajaviŭ Tunč u intervju tureckamu infarmahienctvu «Anadołu». Pavodle jaho, tureckija žyviołavody ciapier majuć namier vyroščvać karoŭ ułasnych parod.
Kanflikt pamiž dźviuma krainami uspychnuŭ paśla taho, jak ułady Niderłandaŭ zabaranili vystupy tureckich ministraŭ, pryśviečanyja refierendumu, jaki maje adbycca ŭ Turcyi. Turecki bok u rezkaj formie prystrašyŭ mierami ŭ adkaz. 13 sakavika Turcyja prypyniła kantakty na vysokim uzroŭni ź Niderłandami.
