Viadomy minčukam brend «Sałodki falvarak» pierachodzić pad kryło «Prastoru» i pierazapuskajecca ŭ hipiermarkietach ŭ novym farmacie. Tut.by daviedaŭsia, z čym heta źviazana i jak dalej budzie raźvivacca sietka kandytarskich.
Fota: Stanisłaŭ Šaršukoŭ, TUT.BY
Nahadajem, niadaŭna na miescy «Sałodkaha falvarka» na płoščy Pieramohi adkryłasia kaviarnia «Załaty hrabieńčyk». U mai pierastanie pracavać i «Sałodki falvarak» kala mietro «Frunzienskaja»: pamiaškańnie jašče letaś kupiŭ «MakDonalds». Ale heta nie značyć, što historyja kandytarskaj zakančvajecca.
Jak raspavioŭ kiraŭnik dyrektar sietki ProStore Siarhiej Bušyn, prykładna z 10 maja «Sałodki falvarak» pačnie pracavać u hipiermarkiecie ŭ Malinaŭcy, a paśla adkryjecca i ŭ inšych abjektach sietki. Takim čynam, kandytarskaja piarojdzie z TAA «Rakaŭski brovar» u ZAT «Prastor-Trejd».
U «Rakaŭskim brovary» kažuć, što jany paličyli niapravilnym raźvivać dva kandytarskia kirunki ŭ ramkach adnoj restarannaj kampanii. Tamu tam zasiarodzilisia na «Załatym hrabieńčyku» jak na bolš sučasnym i papularnym farmacie.
Bolš za toje, jany zaŭvažyli, što kala 80% naviedvalnikaŭ «Sałodkaha falvarka» kuplajuć pradukcyju navynas. Heta taksama stała adnoj z pryčyn pieranosu kandytarskich u handlovyja zały «Prastoru». «Takim čynam, pradukcyja kandytarskaj stanie jašče bližej da ludziej i za joj nie treba budzie jechać u centr», — tłumačać u sietcy.
Naprykład, u «Prastory» ŭ Malinaŭcy «Sałodki falvarak» raźmieścicca pobač ź isnujučym kandytarskim adździełam. Heta budzie brendavanaja zona ź niekalkimi pryłaŭkami i asobnym pradaŭcom.
Darečy, hatavać kandytarskija vyraby buduć ciapierašnija rabotniki «Falvarka». «Tamu prafiesijanalizm piarojdzie ŭ «Prastor» razam z pradukcyjaj», — tłumačyć Siarhiej Bušyn.
Liniejka pradukcyi i cenavaja palityka taksama zastanucca raniejšymi, a voś vytvorčaje abstalavańnie abnoviać, kaža kiraŭnik. Nastupnym etapam raźvićcia stanie ŭstanoŭka stolikaŭ, dzie možna budzie źjeści prysmaki i, naprykład, vypić kavy.
Paśla Malinaŭki «Sałodki falvarak» płanujuć zapuścić u hipiermarkiecie ŭ Čyžoŭcy i z časam raspaŭsiudzić na ŭsie abjekty sietki. Ale vyrablać pradukcyju buduć pa-raniejšamu ŭ adnym miescy — mahčyma, u «Prastory» ŭ Malinaŭcy.
