BiełTA

BiełTA

Rasijanie ličać, što prezident Biełarusi Alaksandr Łukašenka chutčej chitruje jak palityk i padtrymlivaje RF tolki tady, kali jamu heta vyhadna, pry hetym staŭleńnie da biełaruskaha lidara charaktaryzujecca pieravažna jak pazityŭnaje abo niejtralnaje, pakazaŭ apytańnie Usierasijskaha centra vyvučeńnia hramadskaj dumki (VCIOM).

Usierasijskaje apytańnie «VCIOM-Sputnik» było praviedziena 8-9 lutaha 2017 hoda siarod 1,2 tysiačy respandentaŭ; mietad apytańnia - telefonnaje intervju. Statystyčnaja chibnaść nie pieravyšaje 3,5%.

Zychodziačy z vynikaŭ apytańnia, staŭleńnie rasijanaŭ da Łukašenki možna acharaktaryzavać jak pieravažna pazityŭna-niejtralnaje, adznačajuć sacyjołahi.

U pryvatnaści, 27% respandentaŭ aceńvajuć jaho stanoŭča, 54% adznačajuć šerah niedachopaŭ, ale pry hetym kažuć, što pavažajuć vybar biełaruskaha naroda (u 2008 hodzie tak adkazali pa 34% respandentaŭ).

Jašče 12% rasijanaŭ ličać, što Biełarusi patrebien inšy prezident (13% u 2008 hodzie). Pry hetym dola tych, chto ličyć, što Łukašenka paśladoŭna pravodzić prarasijskuju palityku, vyšej u hrupie respandentaŭ 18-24 hadoŭ - čverć (25%) maładych ludziej, jakija pryniali ŭdzieł u apytańni, prytrymlivajucca hetaha punktu hledžańnia.

Dziasiataja častka ŭsich respandentaŭ (10%) nie zmahli acanić palityčnuju pazycyju Łukašenki

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?