Sudovaja kalehija pa kryminalnych spravach Minskaha haradskoha sudu 7 krasavika (14:30) publična abvieścić rezalutyŭnuju častcku sudovaj pastanovy pa kryminalnaj spravie ŭ dačynieńni da niepaŭnaletniaha navučenca himnazii №74 Minska, jaki abvinavačvajecca ŭ zamachu na zabojstva nastaŭnicy.
Takuju infarmacyju raźmiaściła pamočnik staršyni Minskaha haradskoha suda Anastasija Šylvian na svajoj staroncy ŭ fejsbuku.
Sudovaje raźbiralnictva pa kryminalnaj spravie pačałosia 13 lutaha. Uličvajučy ŭzrost abvinavačanaha, kankretnyja abstaviny spravy, u adpaviednaści z č.2 art.23 Kryminalna-pracesualnaha kodeksa sud prachodziŭ u zakrytym režymie. Padčas abviaščeńnia prysudu fota-, kinazdymka, videazapis u zale sudovaha pasiedžańnia, u tym liku da jaho pačatku, taksama buduć zabaronieny.
