Alaksandr Łukašenka prybyŭ z rabočym vizitam u Rasijskuju Fiederacyju. Samalot kiraŭnika dziaržavy zrabiŭ pasadku ŭ aeraporcie Pułkava.
U Sankt-Pieciarburhu adbudziecca sustreča Alaksandra Łukašenki z Uładzimiram Pucinym. Čakajecca, što kiraŭniki dziaržaŭ abmiarkujuć šyroki kompleks pytańniaŭ raźvićcia dvuchbakovych biełaruska-rasijskich adnosin z akcentam na handlova-ekanamičnaje supracoŭnictva, jakaja jość u hetych śfierach prablematyku, a taksama ŭzajemadziejańnie ŭ intehracyjnych farmatach.