Na hetym tydni čakajecca niaŭstojlivy charaktar nadvorja, ciapło jašče zachavajecca ŭ pieršaj pałovie tydnia, ale takoha ŭsplosku ciapła, jak u pieršyja krasavickija vychodnyja nie budzie, a ŭ druhoj pałovie tydnia z-za pastupleńnia pavietranych mas sa Skandynavii pachaładaje.
Pra heta TUT.BY raspaviała namieśnik načalnika słužby mietearałahičnych prahnozaŭ Śviatłana Rybakova.
4 krasavika, u aŭtorak, terytoryja Biełarusi apyniecca ŭ vobłaści pavyšanaha atmaśfiernaha cisku, budzie pieravažna biez apadkaŭ. Nočču i ranicaj u asobnych rajonach čakajecca tuman. Tempieratura pavietra minimalnaja nočču + 1 … + 7°S, maksimalnaja dniom + 9 … + 15°S, pa paŭdniovym zachadzie pavietra prahrejecca da +17°S.
5 krasavika, u sieradu, nočču pieravažna biez apadkaŭ, dniom pad upłyvam frantalnych raździełaŭ, jakija pieramiaščajucca z Zachodniaj Jeŭropy, na bolšaj častcy terytoryi našaj krainy projduć karotkačasovyja daždžy, u asobnych rajonach mahčymy navalnicy. Nočču i ranicaj słaby tuman. Tempieratura pavietra minimalnaja nočču + 1. + 7°S, pa paŭnočnym uschodzie pry prajaśnieńniach jana moža panizicca da 0 … -2°S; maksimalnaja tempieratura dniom składzie 12 … +17°S, pa poŭdni pavietra prahrejecca da + 19°S.
6 krasavika ŭ čaćvier, atmaśfiernyja franty, jakija źmiaščajucca sa Skandynavii, abumoviać na bolšaj častcy terytoryi Biełarusi karotkačasovyja daždžy, u asobnych rajonach mahčymy navalnicy. Nočču słaby tuman. Tempieratura pavietra minimalnaja nočču + 3 … + 10°S, maksimalnaja tempieratura dniom składzie ŭsiaho 6 … + 12°S, tolki pa paŭdniovym uschodzie krainy pavietra prahrejecca da + 15°S.
U apošni dzień pracoŭnaha tydnia čakajecca niaŭstojlivaje nadvorje, tempieraturny fon jašče panizicca. Nočču pa ŭschodzie i paŭnočnym zachadzie, dniom na bolšaj častcy terytoryi respubliki projduć karotkačasovyja daždžy. Tempieratura pavietra minimalnaja nočču -1 … + 6°S, maksimalnaja dniom + 3 … + 10°S.
